Aty guasu Asamblea General ONU pegua omoneĩ apoukapy A/72/439 rupive 23 jasyrundy “Día Internacional de las Lenguas de Señas”-ramo jahechápa noñemomba’evéi iñe’ẽngúva ñe’ẽ ojehechakuaávo ko’ã ñande rapicha nohendúiva derécho.
Ta’anga: internet.
Oñemomorã hag̃ua ko ára osẽva’ekue Federación Mundial de Sordos (DMA) gui, aty omono’õva 135 tapicha nohendúiva aty tetãmegua, 70 millones tapicha rérape oĩva yvy’ape ári. Ojeporavo 23 jasyporundy oñemomorã hag̃ua oñói rehe DMA kóva ko árape upe 1951-pe.
Paraguáipe oĩ Centro de Relevo, oipytyvõva oñomongeta hag̃ua pumbyry rupive tapicha iñe’ẽngúva, ohendúva ndive, térã temimoĩmby ha avei oikotevẽ rehe. Ko Centro de Relevo ndive ikatu oñeñomongeta ha oporopytyvõkuaa hikuái ojeikéramo internet rupive ko’ápe: www.centroderelevo.gov.py.
Ko ñepytyvõ oñekuave’ẽvarã oĩ tapicha ikatupyrýva ha oñangarekótava hekopete umi tapicha oikotevẽ og̃uahẽ hag̃ua og̃uahẽséva rendápe, umi tapicha nohendúiva oñomongeta hag̃ua ohendúva ndive. Oĩ oporopytyvõ hag̃ua hikuái arakõi guive arapoteĩ meve, 6:00 aravo guive 21:00 peve.
Ñane retã oguereko Léi 6354/19 “Que garantiza el acceso a la comunicación e información a las personas sordas”. Aty’a Subcomisión de Información, Comunicación y Lengua de Señas, omoakãva Paraguái Ñe’ẽnguéra Sãmbyhyha, ogueroguata avei leirã “Que otorga reconocimiento oficial a la Lengua de Señas del Paraguay (LSPy)”.