Paraguái Ñe’ẽnguéra Sãmbyhyha (PÑS) oĩ avei upe arapoteĩ ha pokõi ohasava’ekuépe jehechauka hérava Orépe, oikóva plaza Juan E. O’Leary, Paraguaýpe. Omoirũ peteĩ stand rupive ha upépe ohechauka opa umi hembiapo ñe’ẽnguéra rehehápe.
Avei, ko stand-pe PÑS ohechauka umi ta’angamýi ypykuéra rehegua ojejapova’ekue Ypykuéra Ñe’ẽ Ñeñongaty ha Ñemoasãi Moakãhapavẽ guive, ha avei Ñe’ẽ Rape’apo Moakãhapavẽ rembiapo.
Ko jehechaukápe omog̃uahẽ hembiapo porãnguéra umi ypykuéra, omba’apóva karaguata roguére ojapo hag̃ua taha’e voko, jeguaka opaichagua ha isa’y porãporãva.